قصيدة روعة .. قصة بنت كانت تطالع واحد بعين قويه
المهم الرجال طلع شاعر
وما قصر فيها كتب كم بيت علشان تتأدب
لكن المفاجأة هي ؟؟؟؟؟؟؟؟
وش صاااار ؟؟؟
يقووول : >>>>
كل شبر بهالوسيعه ملك ربي تعلمين
وأعلم إن اللي خلقني هو خلق لك هاعيون
لكن انتي من جلستي وانتي فيني تحدقين
كن مابه ناس غيري بهالكراسي يجلسون
لو سمحتي عاد اسمعي وحتى لو ماتسمحين
المهم اللي بقوله تسمعينه ويسمعون
عالأقل ليا نظرتك سوي روحك تستحين
غضي طرفك مثل غيرك خوف ربعي يلمحون
الركاده عاد زينه والحياء في البنت زين
وفيك جازم لا ركاده ولا حياء يذكرون
تعرفيني ؟ أعرفك ؟ ماأذكر إنا ملتقين
لاأعرفك من تكوني ولا تعرفي من أكون
وإطمأني إن كان قصدك بس فيني تشبهين
ماهو أنا اللي تعرفيه والبشر يتشابهون
مادريتي من التشابه يخلق الله اربعين
وأعرف أربع يشبهنك بس والله يستحون
وإن كان قصدك شي ثاني عاد قولي وش تبين
خايف إنا نصير فرجه وإللي ماشتروا يشترون
وإذا ببالك عاجبتني لا يحوشك تحلمين
صح ربعي من جمالك فيك صار يمدحون
بس وش لي في حلاتك دام فيها ترخصين
حشمة البنت وحياها والكرامه يلفتون
ولو توفر فيك هذا مع حلاتك تبشرين
ماهو أنا ألف غيري باب بيتك يطرقون
وش علامك رغم كل إللي اقوله وتسكتين
مو طبيعي هالسكوت وهالبرود وهالسكون
إنتي خرسا أسألك ولا منتي تسمعين؟؟
قالوا ربعي ذي كفيفه قلت لالا تمزحون
لين شفتك يوم رحتي يمسكونك باليدين
مادريت إلا عيوني أربع أربع يذرفون
آه ياني منه مشهد يوم شفتك ترحلين
جيت اشوف عيون ربعي لقيت الكل يدمعون
يالكفيفه يالعفيفه إن قلت آسف تقبلين ؟؟
يغفر الله ذنوب عبده ليا خطا وهل تغفرون ؟؟؟
ـــــــــــــــــــــــــــــــــــــــــــــــــــــــــــــــــ
لاتحرموني ردودكم
